نضائح يجب مراعاتها عند البدء بموقع جديد

هديلكم بعض النصايح اللى هتفيدكم لو تمتلك موقع او منتدي او فكرت في عمل موقع جديد

اهم شئ اختيار شركة استضافة محترمة و سمعتها نزيهة و يستحسن تسال عنها كويس .

بالنسبة للدومين يا ريت تخلي
بيانات الدومين خاصة بيك و اللى يحجزه شخص موثوق و خليه بعيد من شركة
الاستضافة .. بحيث لو حصلت مشاكل تقدر تنقل في اي وقت لاستضافة تاني .

احرص جيداا ان ميكونش ليك عداوات
او لو كان ليك اعداء يستحسن ميعرفوش بالمنتدي و اياك و الظلم " الظلم
ظلمات يوم القيامة " .. غير ان اللي واقع عليه الظلم هيحاول باي وسيلة
اختراق او ايذاء صاحب الموقع باي وسيلة و ده سهل جدا .

احرص جيدا علي حفظ نسخة احتياطية
من بياناتك بشكل دوري .. اسبوعيا او شهريا .. يعني نظم نفسك .. ولو
الاستضافة مش بتسمح انك تاخد باك اب مباشر . تقدر تطالبهم كل اسبوع بنسخة
احتياطية او انك تاخد نسخة يدوي من phpmyadmin قاعدة البيانات و نسخة من الملفات .

حاول الاهتمام قبل شراء الموقع بالمحتوي اللى هتقوم
بتقديمه للزوار او الخدمات اللى الموقع هيقدمها دي من اهم الحاجات اللى
لازم تؤخذ في الاعتبار .

اجعل للمنتدي هدف معين .. مثلا
موقع ديني . موقع ترفيهي . موقع اغاني . موقع افلام . و احرص جيدا علي
محتوي موقعك و ابعد عن ما يغضب الله .. حتي يأتي يوم لا ينفعك فيه مال و لا
بنون .

اهتم بالهاكات المفيدة و احرص علي ترقية نسخة منتداك اولا باول منعا للثغرات المنتشرة و ترقية اي سكريبتات مركبة علي موقعك .

احرص علي حماية موقعك و تغيير مسارات لوحة التحكم و الكونفيج .

لا تضع في الاعتبار ما سيجنيه
الموقع من ارباح .. فالرزق بيد الله سبحانه و تعالى .. احرص علي محتوي
موقعك محتوي يفيد الاعضاء .. ابحث في طرق جلب الزوار و تقوية الارشفة و ان
شاء الله ربنا يبارك لك فيما رزق .

احرص علي عدم عمل الموقع كــ فأر
تجارب .. فان لم يكن لديك الخبرة الكافية . يمكنك الاستعانة بموظفي
الاستضافة .. او تجريب ما كنت ستقوم به علي موقع مجاني عليه نفس السكربت و
لا تعطي الثقة لاي شخص خارج عن موظفي الاستضافة او شخص لا تعرفه معرفة
شخصية .

ان كان منتدي فاحرص علي انك لا
تضع الثقة في اي شخص باعطاءه الصلاحيات كالمشرفين او المراقبين و ان قمت
بتعيين اداريين علي المنتدي .. قم بتقليص الصلاحيات .. كـ منعهم من رفع
الهاكات و الاستايلات .. و التعديل فيها .. لانها طبعا ببساطة ممكن القيام
برفع شل من خلالها .. و تدمير المنتدي و اخذ نسخة احتياطية .. بل و اختراق
السيرفر باكمله . !!

» نصائح هامة قبل البدء بتصميم موقع جديد